O sindicato CSIF denuncia 14 meses de falta de pagamentos na Policía Local de Lugo e manda unha "advertencia" ao Concello

Desde xullo de 2023 os axentes da Policía Local de Lugo veñen sufrindo atrasos nos pagos de servizos extraordinarios. Unha falta de pagamentos acumulada que experimentan desde fai xa 14 meses e aos que hai que engadir a subida do 2% correspondente a este exercicio. Así o denuncia a Central Sindical Independente e de Funcionarios (#CSIF), que pon de manifesto a situación na que se atopan estes profesionais e pola que demanda unha solución ao Concello de Lugo. 

Neste sentido, o sindicato mandou unha "advertencia" ao goberno lucense -ao que acusa de acometer un "enriquecemento ilícito"-, indicando que, de non corrixir esta situación, emprenderán "medidas de presión" para esixir o cobro dos atrasos, causados por, din, a "falta de persoal en determinadas datas". 

Ademais dos atrasos e o incremento do 2%, o sindicato xustifica que existen "outras débedas pendentes do ano 2022". O sindicato tacha a situación de" insosteible" e reprocha que, aínda que de norma xeral "#afecto a todos os servizos", hai algúns que si cobraron partidas como as horas extraordinarias de novembro. "Demostra un caos total no departamento de persoal, que nin sequera leva unha orde de prelación segundo a antigüidade da débeda", explica o sindicato.

"Son 14 meses de atrasos e non estamos dispostos a continuar sen cobrar, non podemos aguantar máis", apostilan fontes de CSIF, que lembra que acatan estas horas extraordinarias para "garantir a seguridade pública e prestar un destacado servizo aos cidadáns" durante eventos multitudinarios como San Froilán, Arde Lucus ou o festival Caudal Fest.