Atención bañistas! As praias de Ferrol énchense de carabelas portuguesas, advirte a SGHN
A Sociedade Galega de Historia Natural (SGHN) alertou da presenza dalgúns exemplares de carabelas portuguesas nas praias de Ferrol, un organismo colonial formado por pólipos e con aspecto conxunto de medusa.
Esta molesta especie de medusa foi localizada nos areais de Ferrol, segundo indica a Sociedade Galega de Historia Natural.
A súa picadura pode ser moi prexudicial para persoas e animais, polo que inciden en que é importante a precaución á hora do baño.
A Sociedade Galega de Historia Natural (SGHN) alertou da presenza dalgúns exemplares de carabelas portuguesas nas praias de Ferrol, un organismo colonial formado por pólipos e con aspecto conxunto de medusa.
A entidade insta á poboación para extremar as precaucións, xa que poden causar lesións tanto en persoas como en animais. Son organismos que posúen filamentos urticantes, que poden ir de centímetros a 50 metros e son capaces de causar lesións por contacto na pel.
COIDADO
Desta forma, a través dun comunicado, piden que "se preste atención no momento do baño, para evitar tocalos", e avisar aos socorristas da praia ou, en caso de non haber, á Policía Local.
Se alguén entra en contacto con elas, é importante desprender os posibles fragmentos presentes sen tocalos, lavar con auga de mar e evitar as areas, a auga doce ou substancias como o vinagre, amoníaco ou ouriños, xa que poden potenciar os efectos, e acudir a un centro sanitario para recibir asistencia.
Escribe o teu comentario