Viaqua impulsa a transformación ecolóxica con solucións sostibles e avanzadas

Hoxe, 24 de outubro, conmemórase o Día Internacional contra o Cambio Climático co obxectivo de mobilizar e sensibilizar a gobernos, empresas e cidadanía sobre a necesidade de actuar fronte á crise climática. Os impactos do quecemento global son innegables en todas as zonas da Terra: aumento das temperaturas, desxeo de glaciario, incremento de fenómenos meteorolóxicos extremos, perda de biodiversidade e afectación dos recursos hídricos, entre outras consecuencias que estamos a asumir desde hai tempo. Neste contexto, a urxencia de actuar é maior que nunca.

Así, España é un dos países da Unión Europea máis afectados, con episodios meteorolóxicos cada vez máis frecuentes e extremos como as secas e inundacións. Galicia, comunidade coñecida pola súa abundancia de auga, tamén sufriu nos dous últimos anos graves episodios de seca en Pontevedra ou zonas da provincia de Ourense, así como choivas torrenciais cada vez máis frecuentes, provocando inundacións en moitas localidades galegas.

Neste contexto, a empresa galega Viaqua, comprometida coas persoas e o planeta, destaca a importancia de acelerar a transformación ecolóxica a través de solucións sostibles e avanzadas, da dixitalización do ciclo da auga e do impulso das alianzas, para facer fronte aos retos da emerxencia climática. As principais solucións nas que está a traballar a empresa están enfocadas á adaptación e mitigación ao cambio climático, a preservación e rexeneración da auga e a protección da biodiversidade. Solucións que se engloban dentro do Plan estratéxico de Desenvolvemento Sostible de Viaqua, aliñado aos criterios ESG e coa Axenda 2030, o cal está detallado no seu Informe de Desenvolvemento Sostible anual.

ESTRATÉXICA CLIMÁTICA DE VIAQUA

Viaqua alíñase coa estratexia de actuación que aposta polo Green Deal como panca para a reactivación da economía investindo na transición ecolóxica e dixital, así como nas estratexias rexionais de cambio climático. A estratexia climática da compañía baséase en catro liñas de actuación: 

Mitigar o cambio climático coa redución do 45% das súas emisións en 2030. Para iso, desenvolve accións de eficiencia enerxética, mobilidade sostible, xeración de enerxía renovable e compra de enerxía verde. A enerxía renovable producida por Viaqua no ano 2023 podería abastecer a un centenar de fogares en Galicia durante todo un ano. 

Desenvolver plans de resiliencia para facer fronte aos efectos do cambio climático sobre os recursos hídricos, impulsando a preservación de ecosistemas crave no ciclo da auga. Na xestión da auga, Viaqua ten tres obxectivos principais: a recuperación dos ríos e acuíferos, así como a protección fronte ás inundacións; a dixitalización da xestión do recurso hídrico e a loita contra a contaminación difusa e preservación da calidade das augas, factor crave para previr a perda de biodiversidade e os impactos nocivos sobre a saúde e o medio ambiente.

Promover modelos de economía circular que levan o cambio de modelo lineal a circular, desenvolvendo solucións innovadoras e implementando tecnoloxías orientadas á optimización no uso de recursos, potenciando a rexeneración de auga, e a eliminación do concepto residuo. O 97% dos residuos xerados nas depuradoras xestionadas por Viaqua son valorizados. Neste sentido, Viaqua impulsa a evolución das tradicionais plantas depuradoras de auga para convertelas en ecofactorías a través de actuacións en 4 vectores: auga, rexenerando parte da auga depurada; enerxía, xerando parte da enerxía que consome; recursos, recuperando todo o que teña valor para alcanzar residuos cero; e contorna, xerando un impacto positivo sobre a contorna natural e social.

Aplicar modelos responsables co clima, potenciando infraestruturas verdes e unha economía baixa en carbono. Viaqua ten como obxectivo preservar a biodiversidade no 100% as súas instalacións grazas á prevención e control de especies invasoras, restauración de ecosistemas craves no ciclo da auga, naturalización das infraestruturas que xestiona a través de solucións baseadas na natureza e coa educación e sensibilización da cidadanía neste ámbito.

Dentro da súa estratexia climática, Viaqua traballa para reducir a súa pegada hídrica mediante a xestión intelixente e avanzada, aplicada a todas as etapas do ciclo integral da auga; en fomentar entre a cidadanía o consumo responsable deste recurso hídrico e en reducir os consumos non autorizados. No ano 2023 Viaqua recuperou 207.909 m³ de consumos non autorizados, o equivalente ao consumo dunha familia de catro persoas durante máis de 10 anos.

Neste Día Internacional contra o Cambio Climático, Viaqua reafirma o seu compromiso coa  sustentabilidade do planeta, pondo de relevo a necesidade de ir avanzando para lograr a transformación ecolóxica. A urxencia de actuar é clara: debemos seguir avanzando de maneira colectiva, cada un desde o seu ámbito, para garantir un futuro máis sostible e resiliente para todas as persoas.