Naturgy destina uns 160.000 euros para mellorar a calidade da subministración eléctrica de Boimorto

UFD, a distribuidora eléctrica de Naturgy, investiu preto de 160.000 euros para a mellora da subministración eléctrica na parroquia de Cardeiro, nos lugares de Piñeiro, Freixido e A Cheda, no municipio de Boimorto (A Coruña).

En concreto, a compañía duplicou a potencia do centro de transformación en Freixido, ademais reordenar a rede de baixa tensión asociada a este transformador e o do campo de fútbol de Boimorto, para unha repartición máis eficiente do consumo. Para iso, a distribuidora construíu un novo tramo de liña de baixa tensión subterráneo dun quilómetro de lonxitude e renováronse 118 metros de liña de baixa tensión aérea.

Para o delegado de UFD na provincia da Coruña, Emilio Castro, "o investimento realizado é unha proba máis do compromiso desta compañía co desenvolvemento enerxético de Boimorto, xa que as actuacións realizadas aumentarán a capacidade da rede de distribución na zona, ademais de mellorar a fiabilidade da subministración eléctrica e minimizar os tempos de resposta ante calquera incidencia na parroquia de Cardeiro".