Nova edición da 'Primavera de portas abertas' nas Rutas dos Viños
A Denominación de Orixe Ribeiro protagoniza este fin de semana unha acción promocional para difundir as tradicionais xornadas de portas abertas nas Rutas dos Viños, que este ano comezarán o 3 de maio para o público xeral
A Denominación de Orixe Ribeiro protagoniza este fin de semana unha acción promocional para difundir a nova edición de 'Primavera de portas abertas', as tradicionais xornadas de portas abertas nas Rutas dos Viños, que este ano comezarán o 3 de maio para o público xeral.
Esta acción promocional -que se realizou xa en Valdeorras e nas Rías Baixas- contará neste caso coa participación dun grupo de bloggers e instagramers especializados en enogastronomía e viaxes, para os que Turismo de Galicia organizou un programa de visitas a adegas.
Ademais, tamén coñecerán o patrimonio cultural da zona cun percorrido polo castro de San Cibrao, Parque Arqueolóxico da Cultura Castrexa Lansbrica, o Museo do Viño de Galicia e terán tamén unha sesión de termalismo.
O calendario das accións promocionais continuará do 19 ao 21 de abril na da Ribeira Sacra e do 26 ao 28 de abril na de Monterrei. Todos os participantes son diferentes bloggers e instagramers en cada Denominación de Orixe e suman máis de 1 millón de seguidores en redes sociais.
Escribe o teu comentario