Vía mexicana para Gonçalo Paciência e unha noiva en Londres para Strand Larsen

Son aínda os primeiros días de vacacións e os días aínda teñen que seguir crecendo ata que entremos definitivamente no verán, pero o Celta de Vigo xa se adiantou á estación na que dá nome ao mercado de fichaxes máis importante e na Sede comezan a recibir ofertas polos futbolistas que o ano que vén non entran nos plans de Claudio Giráldez. Os teléfonos soan nas oficinas do cadro vigués e pronto poderían dar anuncios significativos que debuxen un panorama máis que interesante en Balaídos. 

RUMBO A MÉXICO?

O primeiro expeidente que ten que resolver o Celta é o de Gonçalo Paciência, e canto antes. O luso é o descarte máis urxente na secretaría técnica dos celestes, que aceleran para desprender dunha ficha alta e que pode ser clave para ter unha maior marxe salarial de face ao curso que vén. En calquera caso, só terá reflexo neste apartado se a súa saída ten lugar antes do 1 de xullo. 

A alternativa para que isto leve a cabo parece estar alén do Atlántico, concretamente en México, onde un club mostrou interese polo ariete portugués. O Club León valora lanzar as súas redes sobre Paciência, cedido este ano nun Bochum no que tivo pouco protagonismo e no que marcou só tres chicharros. Neste aspecto pode moito que ver Marco Garcés, director deportivo do Celta e cun gran percorrido e contactos no fútbol azteca, unha liga á que Paciência non fai noxos e que goza de moi boa saúde económica, ofrecendo aos seus xogadores salarios altos.

A súa fichaxe sería moi exótico para o campionato norteamericano, que nos últimos anos fichou a moitos europeos, e libraría unha pesada carga para as contas dos olívicos. Ademais, aínda falta concretar o acordo entre as partes, onde o Celta aínda podería percibir un belisco, aínda que en ningún caso suporá unha gran venda, pero tamén se contempla a rescisión do contrato.

O WEST HAM TRAS LARSEN

De feito, a gran venda do verán podería ser a de Strand Larsen. O noruegués ten os días contados en Vigo, onde esperan recibir moitas propostas polo futbolista máis destacado do pasado exercicio, con máis dunha ducia de goles na súa conta e un valor de mercado que rolda os 25 millóns, segundo portais especializados.

Son cifras que non todos poden asumir, pero que se manexan con comodidade na Premier League, onde o West Ham segue moi atento á situación do viquingo. A dianteiro busca dar un salto na súa carreira e en Londres Lopetegui quere fichaxes para o seu proxecto cos hammers, onde encaixaría un perfil como o de Larsen. 

A cláusula do ariete está fixada en 50 millóns, o Celta pedirá 30 pero unha oferta próxima ao seu valor de mercado -que dobraría o desembolso que se fixo no seu día para facelo celtiña- pode darlle saída rumbo a Inglaterra. No entanto, e aínda que o do West Ham parece até agora o achegamento máis claro, hai outros clubs, como o Aston Villa, o Wolfsburgo ou o Stuttgart, pero tamén se suxeriu o interese de Napoles, que garda boas relacións co Celta, ou Bolonia, que o ano que vén xogará a Champions. O verán é longo e as noivas son moitas. Veremos quen leva o dianteiro á auga.