Outra vez Iago Aspas, así logrou o Celta de Vigo media salvación ante o Villareal (vídeo)

Os amarelos golpearon primeiro cun golazo de Alberto Moreno tras unha boa combinación en ataque. Os visitantes moveron o balón desde a banda esquerda até a esquina dereita da área galega e desde alí Moreno enganchou de primeiras un gran zurdazo ao segundo pau. 

O partido cambiaría cinco minutos despois cando Santi Comesaña gañouse unha xusta expulsión. O centrocampista disputou un balón cos tacos por diante impactando na perna dun celeste case á altura do xeonllo. O árbitro pitou falta, sacoulle amarela, foise ao monitor a comprobar a dureza do lance e finalmente tirou de cartón vermello. Santi Comesa nin protestou.

Desde entón o Celta forzou a máquina e enseguida, no minuto 21, cultivou resultados. Outro erro do Villareal favoreceu aos locais, ao derrubar a un visitante a Iago Aspas nunha xogada sen perigo, na que o balón se estaba afastando da portaría. Pillo, o de Moaña forzou o penalti, claro, e posteriormente bateu ao gardameta cun disparo raso polo centro cando o porteiro xa se venceu.

Balaídos entrou en estado de euforia pouco despois. No minuto 39 o Celta de Vigo soubo combinar á saída dun rexeite da defensa do Villareal. O centro pola banda dereita foi medido e Larssen remachou coa cabeza de socato, desde a área pequena. 
 

Na segunda parte os nervios pasaron factura aos de Giráldez en moitos momentos. Por baixo no marcador, o Villareal soubo presionar a pesar de xogar cun menos. Ao cuarto de hora de renovado o encontro sacaron tallada. Segundo golazo noutro gran disparo desde a frontal da área. O balón chegou a Guedes grazas a un bo control e pase de Sorloth, un dos mellores do encontro, e o 9 lanzou un zambombazo pola escuadra do primeiro pau.

O empate mantívose case até o final debido ao conservadurismo dos que xogaban cun menos, satisfeitos co empate, e a imprecisión dos que xogaban cun máis. 

O máis atinado nun momento clave da tempada foi, unha vez máis, Iago Aspas. O de Moaña controlou a 15 metros da frontal e inventouse coa perna esquerda un centro moi difícil, entre o central, o lateral e o porteiro. O desmarque tirouno o grego Douvikas, nunha nova mostra do seu olfacto goleador, para despois precipitar en ferro sobre o balón a media altura. 

Corría o 82 e xa non houbo tempo para case nada. Alivio, inclusoieuforia, en Balaídos. A salvación aínda non está 100% asegurada pero con 8 puntos sobre o descenso canto quedan 12 en xogo, o Celta de Vigo tena practicamente asegurada. 

Boa parte do mérito foi de Claudio Giráldez. O adestrador do filial soubo insuflar aire a un conxunto que parecía animicamente esgotado até o cesamento de Rafa Benítez. O adestrador galego advertiu que “queda moito por pelexar” e tiroulle das orellas en público aos seus subordinados aos que cominou a ser “autocríticos” ante os “moitos momentos de descontrol” dun encontro de alta tensión.