A Coruña xa prepara o regreso do Morriña Fest, con datas confirmadas para o mes de xullo
A V Edición do festival, consolidado como unha das citas do verán en Galicia, aínda non anunciou os integrantes do seu novo cartel.
O Morriña Fest celebrará a súa quinta edición na Coruña os días 25 e 26 de xullo de 2025. Proximamente anunciaranse os primeiros artistas e a saída a venda dos abonos, segundo informa o Concello da cidade herculina.
Para o concelleiro de Cultura e Turismo, Gonzalo Castro en "os últimos tres anos quedou demostrado que o Morriña atrae a moita xente e é xa un dos eventos máis esperados do ano na cidade". Na edición deste 2024 máis de 40.000 persoas asistiron ao festival.
O evento, engade o consistorio, significou tamén a apertura dos peiraos á celebración de grandes concertos e actividades culturais, algo que xa é habitual durante o período estival.
Artistas como Rels B, Aitana, Duki, Crystal Fighters, Black Eyed Peas ou Nicky Jam actuaron, entre outros, no Morriña Fest nos últimos anos.
Escribe o teu comentario