O famoso DJ David Guetta acutará en Castrelos, Vigo, o próximo verán
Andrés Calamaro (8 de xullo), David Bisbal (15 de xullo), Pablo López (24 de xullo), Alejandro Sanz (27 de xullo), Coral Casabranca (29 de xullo), Beret (5 de agosto), Bad Gyal (10 de agosto) e Ana Mena (15 de agosto) son outros dos concertos que foi adiantando o alcalde Abel Caballero.
O goberno municipal de Vigo segue debullando o programa de concertos previstos para a tempada estival, e este xoves o alcalde, Abel Caballero, confirmou o inicio do expediente de contratación do artista David Guetta, que actuará no auditorio de Castrelos o 20 de agosto.
Nunhas declaracións remitidas aos medios, o alcalde proclamou que a actuación de Guetta, DJ e produtor recoñecido internacionalmente e con numerosos premios, suporá "o mellor peche dos concertos de Castrelos que houbo nunca na historia".
O rexedor lembrou que o artista está avalado pola venda de millóns de discos, "é o mellor DJ do mundo", e en Vigo "contará con dous artistas invitados" para ofrecer "un espectáculo de 4 horas". "Xa o advertín, imos ter os mellores concertos de Castrelos que tivemos nunca", sentenciou.
Até agora, déronse a coñecer as actuacións en Castrelos de Andrés Calamaro (8 de xullo), David Bisbal (15 de xullo), Pablo López (24 de xullo), Alejandro Sanz (27 de xullo), Coral Casabranca (29 de xullo), Beret (5 de agosto), Bad Gyal (10 de agosto) e Ana Mena (15 de agosto).
Escribe o teu comentario