Un neno de seis anos alerta dunha agresión machista contra súa nai

|

Policialocal 1


Un neno deu alerta á Policía Local da Coruña da agresión que estaba a sufrir a súa nai por parte da súa ex parella. Na súa chamada, na madrugada do día 14, facilitou a dirección do domicilio, na zona do barrio de Labañou, ao que se trasladaron dúas dotacións.


Segundo informa a Policía Municipal, á súa chegada, abriulles aos axentes unha muller que os levou ata o salón, onde estaba a súa ex parella, con quen tiña en vigor unha orde de afastamento. Tamén lles dixo que o home, veciño da Coruña e de 31 anos, a golpeou na cara e ameazou con matala a ela e aos seus fillos.


O inspector principal da Policía Local da Coruña, José Manuel Rico, relatou no programa 'Herrera en COPE' que o neno lles dixo aos axentes que o home ía matar "á súa nai".


Esta ameaza repetiuse, segundo o inspector, cando os axentes detiveron ao agresor, que "parecía estar baixo os efectos dalgunha substancia". "Ameazou á vítima e aos nenos", explicou.


A patrulla detivo o home por violación de morada, violencia de xénero e incumprimento da orde de afastamento.


No domicilio localizouse ao menor que fixo a chamada, un neno de seis anos que estaba a lle dar o biberón ao seu irmán de poucos meses. Dos menores, fixéronse cargo os avós paternos mentres a nai era trasladada a un centro sanitario para atendela das feridas.


relacionada ​Dous detidos nun día por senllas agresións machistas
relacionada Galicia ten a taxa de denuncias de violencia machista máis baixa de España
relacionada Igualdade asume que contra a violencia machista hai que "poñer o foco no maltratador"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress