Gran presenza policial no mercadillo santiagués por unha pelexa
A disputa entre dúas familias produciuse a semana pasada, aínda que non se rexistraron novos incidentes.
Un furgón da Policía Nacional e varios coches da Policía Local estiveron presentes este xoves na zona de Salgueiriños, tras o enfrontamento que protagonizaron dúas familias de etnia xitana a semana pasada no mercadillo semanal de Santiago.
O despregamento de efectivos foi ordenado por precaución e a mañá deste xoves transcorreu con normalidade ata o momento. Hai unha semana, efectivos da Policía Local e da Nacional acudiron pasado o mediodía ao mercadillo por un enfrontamento entre dúas familias de vendedores de etnia xitana que se ameazaron.
Segundo testemuñas, a discusión empezou con ameazas, pero "non houbo agresións graves, nin feridos" debido ao enfrontamento, aínda que apuntaron a posibilidade de que algún implicado puidese abandonar o lugar "con un arma".
Escribe o teu comentario