Se saes de Galicia, as túas receitas xa serven nas farmacias doutras 13 comunidades

|

Farmacia medicamentos


Asturias, Cantabria, Cataluña, Murcia e o País Vasco sumáronse ao sistema de prescrición electrónica de receitas interoperables do Sistema Nacional de Saúde, que permite aos pacientes retirar os seus medicamentos en farmacias dunha rexión distinta á que reside, polo que xa só faltan por incorporarse Madrid, Andalucía, Baleares, Ceuta e Melilla.


Así o anunciou este mércores o Ministerio de Sanidade tras validar a incorporación destas cinco comunidades, que se suman a este servizo común co que xa estaban a traballar Aragón, Canarias, Castela e León, Castela-A Mancha, Comunidade Foral de Navarra, Comunidade Valenciana, Estremadura, Galicia e A Rioxa.


Tras a autorización do departamento de Dolors Montserrat, as cinco novas comunidades validadas iniciarán o servizo aos cidadáns de forma inmediata, aínda que algunha delas farao ao longo do mes de xaneiro.


O obxectivo, segundo recalcou Sanidade, é que os pacientes poidan moverse por todo o territorio nacional e obter os seus medicamentos prescritos en calquera farmacia do país, independentemente de en que comunidade fosen receitadas e sen necesidade de preocuparse nas súas viaxes polas datas de dispensación nas que teñen que retirar a medicación ou sen ter que acudir ao seu médico para que lles realice anticipos da mesma.


As comunidades restantes, segundo o Ministerio, tamén están a traballar en adaptar os seus sistemas e cando o consigan "a receita electrónica sería interoperable en todo o SNS".


VANTAXES DE DEIXAR DE LADO O PAPEL


Entre outras vantaxes, o médico pode programar, nunha única consulta, a prescrición de medicamentos para un tempo prolongado, o que resulta de especial importancia en tratamentos crónicos, pois evita a carga burocrática e a repetición de consultas, aforrando molestias ao paciente. Tamén limita o almacenamento de medicación no domicilio e mellora o coñecemento da adherencia do paciente ao tratamento.


relacionada Deteñen a catro madrileños nunha peaxe con 4.000 ansiolíticos e receitas falsas
relacionada As tarxetas sanitarias galegas comezan a funcionar en farmacias doutras comunidades

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress