O rexedor ferrolán non ten présa en decidir se se presenta en 2019
O alcalde da cidade departamental, á fronte de Ferrol en Común, apraza a súa decisión, como tamén o fai Noriega en Santiago.
O alcalde de Ferrol, Jorge Suárez, asegurou que é "pronto" para falar do seu futuro político e, en concreto, nas eleccións municipais de 2019.
Suárez afirmou que "xa chegará o tempo de falar desta cuestión" e indicou que polo momento está centrado en finalizar este mandato. En todo caso, o alcalde puntualizou que a decisión non será persoal, porque se terá que someter á asemblea de Ferrol en Común.
Pola súa banda, o rexedor da Coruña, Xulio Ferreiro, asegurou en días pasados que estaría disposto a repetir como candidato, pero "só" da Marea Atlántica, mentres que o rexedor compostelán, Martiño Noriega, dixo que tomaría a decisión no ámbito persoal no verán de 2018.
Ferreiro anuncia que levará os orzamentos ao pleno do próximo venres
O buque 'Cantabria' finaliza a súa misión tras rescatar a case 1.200 persoas
Escribe o teu comentario