Rajoy rexeita reunirse con Puigdemont, ao que non ve "en condicións" de ser investido
Di que a situación xudicial dos dirixentes independentistas non a marcan as urnas.
Puigdemont pide reunirse fóra de España.
O presidente do Goberno avisou este venres de que o novo Executivo que se forme en Cataluña tras as eleccións autonómicas celebradas este xoves estará "sometido ao imperio da lei".
Rajoy rexeitou a proposta do ex presidente da Generalitat Carles Puigdemont de manter unha reunión nun país que non sexa España. "Terei que falar con aquela persoa que exerza a Presidencia da Generalitat, para o que ten que tomar posesión do seu escano, ser elixido e estar en condicións de falar comigo".
Na mesma liña, recalcou que "a situación procesual" dos ex membros do Govern "non depende en absoluto da votación de onte senón das decisións que tome en cada caso a Xustiza", porque a Xustiza non debe supeditarse "a ningunha estratexia política".
Sigue lendo esta información en Catalunyapress.
REUNIÓN SEN CONDICIÓNS
Carles Puigdemont instara a Rajoy a reunirse con el en Bruxelas sen ningunha condición previa por ningunha das dúas partes. Puigdemont ofreceu unha rolda de prensa este venres ao mediodía ante os medios de comunicación no Press Club Brussels Europe, onde asegurou que, como mínimo, os independentistas gañaron "o dereito para ser escoitados".
"Hei de ser investido presidente e hei de entrar no Palau da Generalitat" se hai un acordo postelectoral para que así sexa, e dixo que o bloque alternativo --en alusión aos constitucionalistas-- non pode competir con iso.
Escribe o teu comentario