Nuria de Gispert, de fada “madriña” a Sapo Partero

Cando algunhas persoas teñen unha certa idade e ademais ocuparon cargos de responsabilidade nas institucións, en principio, a prudencia, e o sentido común deben acompañala na súa vida pública, cando están xa xubiladas e máis se continúan tendo aspiracións de regresar.

Desde que deixou o seu cargo de presidenta do Parlament de Catalunya, dérona de baixa do partido que a levaba aos seus cargos institucionais, abrazou o independentismo e aprendeu a falar ben o catalán, Nuria de Gispert parece perder todos os sentidos; responsabilidade, prudencia e sobre todo o sentido común. Converteuse nunha activista antiespañola, xenófoba e independentista. Non hai tanto anos imaxinábase a si mesma como unha fada con variña máxica incluída e así quedou plasmada esa imaxe nun diario. Pero agora, máis ben parécese á bruxa Clementiana, pola rabia, o odio e os insultos que saen desa boquiña de "sapo partero".

Nuria de Gispert, descendente de ilustres apelidos da burguesía catalá, democratacristiana ata hai dous telexornais de TV3. Dous anos fai que a “fada” do independentismo afirmaba que a palabra independencia non entraba dentro do seu vocabulario. En 2011, non quixo participar nas votacións da consulta popular sobre autodeterminación celebrada en Barcelona. A súa negativa xustificouna dicindo que non o facía por respecto á institución que representaba. E agora non hai ese respecto?.

As súas saídas de ton constantes, para seguir tendo presenza mediática, son inconmensurables. Hai algúns exemplos estelares, como o dedicado aos membros da Audiencia Nacional: "Sodes uns canallas da extrema dereita". A súa familia que ideoloxía tiña?. Tamén, Ramón Espadaler, ex compañeiro de partido non se libra do seu CROACK, cando o chama traidor por ir nas listas o PSC. E ela que é ?.

Nin a cabeza de lista de Ciudadanos, Inés Arrimadas, se salva dos seus comentarios en twitter cando lle di que se vaia a Cádiz, nun claro ramallazo sectario e racista, impropio dunha persoa que foi a presidenta da segunda institución máis importante de Catalunya.

Pero os insultos e o racismo desta “Señora” son inumerables e impropios de todos os cargos de responsabilidade que tivo desde 1980, é dicir desde hai 37 anos. Aínda que todo hai que dicilo, non se lle coñecen feitos destacados, ata agora que está a ser máis coñecida pola cantidade de barbaridades que está a soltar nas redes sociais.

Como é posible que alguién como Nuria de Gispert ostentase estes cargos de responsabilidade, sendo ela unha irresponsable?. Políticos así só fan crecer a desconfianza cara á clase política que cando ocupan cargos institucionais, que deberían representar a todos os cidadáns, resulta que non o son.

"Se as persoas só fosen responsables do que fan conscientemente, os idiotas estarían de antemán libres de calquera culpa" dicía o escritor Milan Kundera.

Artigo publicado orixinalmente en Catalunyapress.