Dá positivo en alcol e cannabis tras ir 10 quilómetros en sentido contrario pola AP-9

|

Vistageneralcarreteracoches


Axentes da Garda Civil de Tráfico, pertencentes ao destacamento de Ferrol, remitiron na mañá deste luns ao Xulgado de Instrución Número 1 de Ferrol, en funcións de garda, o atestado instruído contra unha veciña de Ferrol, J.C.L., de 53 anos de idade, acusada dun delito contra a seguridade viaria tras ser localizada sobre as 19,30 horas do sábado 4 de novembro circulando pola autoestrada AP-9 en sentido contrario.


Ademais, a condutora obtivo resultado positivo en alcol, cunha taxa de 0,72 miligramos por litro de aire expirado, e positivo tamén en drogas, en THC, o principal composto psicoactivo do cannabis, polo que foi acusada dun delito contra a seguridade viaria.


A muller penetrouse na autoestrada á altura de Freixerio, en Narón, en dirección á cidade da Coruña, pero fíxoo polos carrís cara a Ferrol, tras o que foi interceptada polos axentes á altura da peaxe de Vilar do Colo, en Fene, despois de percorrer uns dez quilómetros.


REQUISADO O PERMISO DE CONDUCIR


Neste lugar, os efectivos da Garda Civil de Tráfico comprobaron que durante o traxecto realizado en sentido contrario, o vehículo chocara con outro usuario a cuxo turismo lle causou danos de escasa consideración.


Como medida cautelar, tras interceptar o vehículo, os axentes da Benemérita interviñéronlle á muller o permiso de condución, para a súa entrega no xulgado conxuntamente co atestado, mentres que o vehículo foi inmobilizado ata a chegada dun familiar que se fixo cargo do mesmo.


O xulgado será o que decidirá as medidas para tomar, ben a celebración dun xuízo rápido, xa que o resultado na alcoholemia leva aparellado unha pena de entre tres e seis meses de cárcere, xunto cunha multa de seis a doce meses de privación, traballo comunitario de 30 a 90 días e a prohibición de conducir por un período de entre un e catro anos. En caso contrario, optaríase pola vía de dilixencias previas.


relacionada Un condutor kamikaze provoca un accidente en Rande con dous feridos
relacionada Un condutor kamikaze provoca un accidente con tres feridos en Oleiros

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress