Cristóbal: "A intensidade incrementouse desde que estou á fronte"

|

CristobalparraloentrenamientoCristóbal Parralo, en Abegondo. Foto: RC Deportivo


O Dépor de Cristóbal Parralo encara o seu terceiro partido, contra o Atlético, reanimado polo cambio no banco e unha vitoria que fai mirar para arriba.


O novo técnico asegurou esta mañá estar "moi contento" co traballo dos xogadores e observa que "a intensidade foi incrementando desde que estou á fronte e iso ao final ten premio".


Iso si, rexeita calquera euforia. "Gañamos un partido, pero volvemos encaixar no minuto sete", lembrou, para insistir en que o equipo necesita mellorar "toda a organización defensiva do equipo".


En canto ao posible once, non quixo adiantar se xogarán xuntos Andone e Lucas. "Levo 10 días aquí, dous partidos, teño unha idea clara de xogo e encantaríame que xogasen todos, pero é imposible". Neste punto tamén explicou que lle gustaría "que o Dépor mirase a canteira", aínda que "sería máis fácil cun persoal máis curto".


Sobre o rival deste sábado, lembrou que "temos que respectar o Atlético, pero non temelo, e ser nós mesmos. Estou convencido de que lles crearemos moitas dificultades". "Preocúpame moito o Atlético, porque é lóxico, pero o que máis me preocupa é que o meu equipo saia a xogar e facer o que sabe", remachou.


relacionada O Dépor reencóntrase coa vitoria
relacionada O Dépor suspende o primeiro exame da nova etapa

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress