Aumentan os gastos dos fogares galegos desde 2016, pero menos que a media española
Pola contra, o gasto medio foi superior ao de España en electrodomésticos, mobles, deporte e viaxes.
O gasto medio total dos consumidores galegos foi un 38% superior ao realizado en 2016 nas mesmas datas, segundo os datos do Observatorio do Consumo España de Cetelem, Grupo BNP Paribas.
Este estudo, que recolle o comportamento de compra dos consumidores galegos e as últimas tendencias nos sectores clave da distribución nesta comunidade autónoma, reflicte que respecto da media española "foi un 14% inferior", sinalan os autores do estudo.
Pola contra, o gasto medio foi superior ao de España en electrodomésticos, mobles, deporte e viaxes. Comparando co ano anterior, o gasto medio aumentou en todos os sectores, excepto electrodomésticos, dispositivos móbiles e bicis.
INTENCIÓN DE COMPRA
Desde unha perspectiva de futuro, en canto á intención de compra, esta é lixeiramente maior en Galicia que en España en electrodomésticos, cociña, dentista, reformas e óptica. Respecto ao ano anterior, a intención de compra aumentou en todos os sectores.
Ademais, segundo o estudo, o gasto medio mensual galego en compras de alimentación é un 3% inferior ao de España e un 15% superior ao de 2016. O gasto medio anual galego en moda e calzado é un 11% superior ao de España.
En Galicia non é boa idea comprar unha vivenda con vistas a alugala
Galicia é a segunda comunidade máis barata para facer a compra
As vendas de coches en Galicia caen un 6,71% en xullo
Escribe o teu comentario