Seis mercadillos urbanos inaugúranse esta fin de semana na Coruña
Tratan de "dinamizar" o comercio de proximidade, "que é máis sustentable e presenta unha altísima calidade", defende o concello.
Alberto Lema, nun dos mercados municipais.
A Concellería de Emprego e Economía Social inaugurará a fin de semana seis mercadillos urbanos para "dinamizar" o comercio de proximidade, segundo informa o Concello herculino. Esta actividade prolongarase ata o 21 de outubro.
Con esta iniciativa, que comezará esta fin de semana no Parque de Eirís, o Consistorio busca "atraer a cidadanía ao comercio de proximidade que é máis sustentable e presenta unha altísima calidade", remarca o concelleiro de Emprego, Alberto Lema.
Ao mercadillo de Eirís, seguiranlle os da rúa Ángel Senra, nos Mallos, os días 16 e 17 de setembro. Posteriormente, celebraranse na praza María Casares, de Elviña, na praza de Tabacalera, no campo da Leña e na praza das Conchiñas.
O Mercadillo do Gato desembarca en Sanxenxo ata o 15 de agosto
Escribe o teu comentario