Galicia recibe parte das empresas que marchan de Cataluña

|

FabricaDez compañías catalás trasladáronse a Galicia.


Cataluña foi a rexión española que máis deslocalizacións empresariais a outras comunidades autónomas españolas rexistrou nos seis primeiros meses do ano, mentres que a Comunidad de Madrid foi a que liderou a recepción de empresas, segundo datos elaborados pola axencia de rating Axesor sobre o cambio de domicilio social de sociedades mercantís en España.


En concreto, 405 empresas abandonaron Cataluña no primeiro trimestre, mentres que chegaron 337, polo que rexistrou un saldo negativo de 68 empresas.


Á Comunidad de Madrid seguíronlle en saldo positivo de recepción de empresas doutras rexións Baleares, con 36 máis; Murcia, con 18 máis, e Galicia, con 7 novas compañías.


En suma, Galicia engadiu 66 novas firmas procedentes do resto de España no primeiro semestre, mentres que no mesmo período foron 59 as firmas que fixeron o camiño inverso e cambiaron a súa sede a outra comunidade autónoma.


Galicia é unha das comunidades que máis está a aproveitar a fuga de empresas de Cataluña. Segundo os datos recompilados pola axencia de rating unha decena delas escolleron a Galicia como destino.


Con todo, o maior tránsito é o que se produce entre a comunidade galega e Madrid, onde a balanza se inclina ao lado da segunda, con 24 empresas que viñeron da capital e 29 que se trasladaron alí.


relacionada Conde nega que exista "deslocalización" de empresas de automoción cara a Portugal

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress