A Universidade de Santiago de Compostela repite entre as 400 mellores do mundo

|

Universitarios2


A Universidade de Santiago de Compostela (USC) repite entre as 400 mellores universidades do mundo no coñecido como ránking de Xangai.


En concreto, sitúase no intervalo que vai da 301 ás 400 mellores. De entre as 11 universidades españolas que aparecen, a da capital galega está entre as sete mellores.


Segundo o Academic Ránking of World Universities (ARWU), que realiza cada ano desde 2003 a Universidade Jiao Tong de Xangai, a USC experimentou unha evolución ascendente na lista. Desta forma, nos anos 2016 e 2017, a institución rexistrou a súa mellor posición, segundo informou nun comunicado.


A finais do pasado mes de xuño, o ranking de Xangai adiantaba esta clasificación ordenando as mellores universidades por áreas do coñecemento. No campo das ciencias da vida, a USC destaca en ciencias veterinarias (101-150), ciencias da agricultura (201-300), ciencias biolóxicas (301-400) e ciencia biolóxica humana (401-500).


En canto as ciencias naturais, a compostelá situábase entre a 201 e a 300 en matemáticas, física e química. En ciencias médicas, a USC aparecía por farmacia e ciencias farmacéuticas entre a 151 e a 200.


No campo das enxeñerías, os Campus de Santiago e de Lugo alcanzaron os seus mellores rexistros en ciencias dos alimentos e tecnoloxía (101-150), ciencias da enerxía e enxeñería (201-300), biotecnoloxía (201-300) e ciencias ambientais e enxeñería (301-400).


Das 11 universidades españolas recollidas no ranking de Xangai, as tres mellores atópanse entre a 201 e a 300, que son a Pompeu Fabra, a Universidade de Barcelona e a de Granada. A USC, pola súa banda, comparte intervalo coa Autónoma de Barcelona, a Autónoma de Madrid e a Complutense.

relacionada Vigo crea un circuíto urbano para a presentación do monopraza da Universidade
relacionada Un ránking sitúa a Universidade de Santiago entre as cinco mellores españolas
relacionada As taxas universitarias quedan conxeladas outro ano e seguirán como as máis baratas

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress