Sábado, 19 de Agosto de 2017 00:12




Número de contacto (34)678803735
redaccion@galiciapress.es

"En pouco máis de hora e media", 3.500 racións de pementos de Herbón

|

Pimientosherbon800 quilos de pementos servidos.


A 39ª edición da Festa do Pemento de Herbón de Padrón deste sábado converteuse na "máis exitosa da súa historia recente", ao atraer a "preto de 5.000 persoas" aos arredores do convento franciscano do municipio. En total, o festival serviu, "en pouco máis de hora e media", 800 quilos de pementos repartidos en 3.500 racións.


A xornada festiva comezou ás 11,30 horas, tras unha misa campestre, cunha tradicional procesión agrícola na que participaron 26 tractores "debidamente engalanados", segundo informa o Concello de Padrón nunha nota de prensa.


Xa no centro do municipio, os vehículos realizaron unha ofrenda ante a estatua da 'Pementeira' e pasou pola casa consistorial para entregarlle ao alcalde, Antonio Fernández Angueira, unha cesta de pementos, ante o que o dirixente correspondeu cun ramo de flores en agradecemento á comisión.


De volta ao recinto feiral, ao redor das 13,30 horas os membros da comisión comezaron coa elaboración dos "máis de 800 quilos" de pementos nunha quincena de tixolas, á vez que o trío Unión y Fuerza amenizaba a comida coa súa música.


PREGÓN DO LOCUTOR JOSÉ MANUEL GARCÍA


Previo a isto, o locutor e presentador do programa 'Comer e falar na rede', José Manuel García, realizou o pregón comprometéndose a ser "embaixador e, se fai falta, soldado defensor do pemento de Herbón".


Durante a súa intervención, o pregoeiro fixo un "chamamento á unidade de acción" entre administracións, produtores, veciños e consumidores para "defender algo tan seu como é esta xoia", un pemento "único".


José Manuel García, do mesmo xeito que o empresario de Extrugassa, Andrés Quintá, o xornalista e consultor Alberto Rey e os participantes na procesión de tractores, recibiu un galardón da comisión de festas polo seu labor na promoción do produto.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Pombapress animation 1

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress