Máis de 80 centros de infantil estrean o plurilingüismo o próximo curso

|

Educacionaula


Un total de 81 centros educativos galegos contarán por primeira vez cun curso plurilingüe en infantil: 33 de Pontevedra, 26 na Coruña, 14 en Ourense e 8 en Lugo. Ademais, outros catro súmanse ao 'Pluribach'.


Os centros que se adhiren a este tipo de bacharelato son o IES Campo de Santo Alberto en Noia, o CPR Plurilingüe Santa Teresa de Jesús, o CPR Plurilingüe Divina Pastora e o IES Blanco Amor, os tres en Ourense. Así, serán en total 311 os centros plurilingües.


O conselleiro de Cultura, Educación e Ordenación Universitaria, Román Rodríguez, anunciou este luns os datos provisionais dos centros plurilingües para o próximo curso 2017/2018, con motivo dunha visita a unha estancia de inmersión lingüística en inglés en Culleredo.


Os cambios prodúcense no marco da nova Estratexia galega de linguas estranxeiras, 'EDUlingüe 2020', cuxos obxectivos pretenden alcanzar os 500 centros plurilingües, 600 novas seccións bilingües e duplicar o número de auxiliares de conversación ata 1.000; todo para o ano 2020.


Ademais, Rodríguez apuntou que aumentan a 211 seccións bilingües máis en Galicia, o que suma un total de 4.125, un 5 por cento máis que o pasado curso.

relacionada A Xunta estenderá a educación plurilingüe ao 100% do alumnado galego
relacionada Educación estenderá o plurilingüismo en 2018 á etapa de 0 a 3 anos

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress