O Dépor reforza a banda esquerda con Bakkali, cedido polo Valencia

|

BakkalideporAnuncio da chegada de Bakkali. //Fonte: RC Deportivo.


Zakaria Bakkali convértese en novo xogador do Real Club Deportivo para a Tempada 2017-2018, cedido polo Valencia CF, informa o club coruñés na súa web.


O mozo extremo belga, de 21 anos, desde os 12 anos militou no PSV Eindhoven, onde se formou ata o seu debut no primeiro equipo a principios da Tempada 2013-2014. Estreouse na fase de clasificación á Champions League, ante o Zulte Waregem, e no partido de volta anotou o seu primeiro gol oficial.


En xullo de 2015 fichou por Valencia CF tras finalizar contrato co PSV. Cos chés acumula un total de 27 partidos e 2 goles. Bakkali é internacional en todas as categorías da selección belga, incluída a absoluta, coa que disputou dous partidos.


Convértese na sexta incorporación branquiazul para o próximo ano, tras as fichaxes de Fede Cartabia, Guilherme, Fede Valverde, Gerard Valentín e Carles Gil.


"FALAN MARABILLAS"


Gerard Valentín foi o protagonista na sala de prensa de Abegondo. Explicou que o seu pase ao Dépor foi "bastante rápido. Saíume a posibilidade de vir, e eu encantado".


Neste sentido, o novo lateral deportivista asegura estar "moi ilusionado. As miñas características son velocidade, son bastante ofensivo pero tento estar concentrado en defensa. E traballar".


Sobre a súa acollida no vestiario, só tivo palabras de eloxio: "Son xente moi cariñosa. A verdade é que me aceptaron rápido".


Do Dépor, o seu novo club, manifestou Gerard Valentín que "é un equipo histórico, máis ou menos sabes de todo. Sabía a historia. Ao final todo seareiro sabe a historia que tivo, sobre todo nestes últimos anos. Fun vendo algún partido como afeccionado. Cando xa sabía que viña, informeime un pouco máis da cidade, das instalacións. Todo o mundo fala marabillas".

relacionada Lux regresa á Coruña para despedirse: "Ensináronme cousas moi importantes"
relacionada O Dépor anuncia a fichaxe de Gerard Valentín, do Nàstic

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress