A avogacía do Estado reclama 10 meses máis de condena para Urdangarin

|

InakiurdangarinIñaki Urdangarin foi condenado a máis de 6 anos de cárcere.


A Avogacía do Estado reclama para o ex duque de Palma Iñaki Urdangarin un incremento en 10 meses da pena que lle impuxo a Audiencia Provincial de Palma de Mallorca pola súa responsabilidade no 'caso Nóos', confirmaron a Europa Press fontes deste órgano.


Así se sinala no escrito polo que os Servizos Xurídicos do Estado impugnan o recurso presentado polo marido da Infanta Cristina ante o Tribunal Supremo contra a condena de 6 anos e 3 meses que se lle impuxo tras o xuízo, dous deles por delitos fiscais. A petición de incremento presentada por esta parte tería que ver cos ditos delitos contra a Facenda pública.


A posición da Avogacía do Estado difire notablemente da dada a coñecer a semana pasada pola Fiscalía Anticorrupción, que solicita que a condena para Urdangarin pola actividade delituosa do Instituto Nóos se incremente ata os dez anos de prisión.


A Fiscalía si pediu un incremento en relación co resto dos delitos polos que foi condenado, que ademais dos fiscais foron de prevaricación, tráfico de influencias, fraude ás administracións e malversación. Respecto dos delitos fiscais, o Ministerio Público non solicita ningún cambio con respecto aos dous anos de cárcere que lle foron impostos a Urdangarin pola Audiencia Provincial de Palma.

relacionada O fiscal pide subir a catorce anos e medio a condena de Urdangarín
relacionada NÓOS | A Infanta sae absolta e Urdangarín condenado a 6 anos e tres meses de cárcere
relacionada Liberdade provisional sen fianza para Urdangarín e poderá seguir vivindo en Suíza

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress