O Arde Lucus arrinca este venres con máis de 300 actividades
Haberá máis de 300 actividades e participan 44 asociacións vinculadas ao pasado romano da cidade.
A festa do Arde Lucus, que suma 16 edicións, arrinca este venres, 30 de xuño, con máis de 300 actividades e a participación de 44 asociacións --18 de Lugo-- vinculadas ao pasado romano da cidade.
A alcaldesa, Lara Méndez, convidou a que se participe desta festa de recreación da historia de Lugo. "Toda aquela persoa que se queira trasladar dous mil anos na historia só ten que vir a Lugo. É a invitación que facemos a todos os galegos, españois e mesmo estranxeiros que virán moitos a visitarnos", animou.
Con iso quere que eses visitantes descubran a "gran riqueza" que atesoura a cidade amurallada, apelando tamén á "hospitalidade" dos lucenses.
En todo caso, a rexedora descartou facer previsións de afluencia "a priori". "Cuantos máis veñan, mellor. É unha festa que se celebra na rúa e dependemos moito da climatoloxía", aclarou.
Escribe o teu comentario