O primeiro Arde Lucus como Festa de Interese Turístico Nacional amplía o seu cartel

Haberá máis de 300 actividades, 40 de nova creación | Contará con un orzamento de 260.000 euros e espera un retorno para a cidade de 12 millóns de euros. 


|

Ardelucus


A alcaldesa de Lugo, Lara Méndez, presentou este luns o programa da que será a edición número 16 do Arde Lucus, que contará con máis de 300 actividades e prevé un retorno económico de 12 millóns de euros para a cidade.


A festa de recreación do pasado romano da localidade contará, así, con 40 actividades que terán un carácter novo, segundo confirmou tanto a rexedora como a concelleira de cultura, Carmen Basadre, que participou tamén no acto, do mesmo xeito que o presidente da deputación, Darío Campos.


A edición deste ano da festa, recoñecida de interese turístico galego e desde marzo deste ano tamén con carácter nacional, arrincará o 30 de xuño e estenderase ao un e dous de xullo. Nela, participarán 44 asociacións, 18 delas de Lugo.


A alcaldesa destacou que este "é un ano especial" para a celebración, dado que "con tan só 16 anos de vida" conta con "dous distintivos": o de festa de interese turístico galego e o de interese turístico nacional. "Podemos presumir de ser das primeiras festas que consegue este distintivo (nacional) en tan pouco tempo de vida", subliñou.


O presidente da deputación, Darío Campos, incidiu en que este evento, que revive o pasado romano da cidade amurallada, é "mérito dos veciños". "O importante é que esta festa teña o alcance que ten, que sexa das máis recoñecidas", salientou.


ACTIVIDADES DE ÉXITO E NOVIDADES


Pola súa banda, a concelleira de cultura, Carmen Basadre, precisou que se manteñen "as actividades de máis éxito", como o "circo romano, a loita de gladiadores" ou as vodas romanas e castrexas, que "suman cada ano máis de trescentas persoas". Ademais, o sábado continúase co desfile de tropas romanas e castrexas pola Rolda da Muralla.


Entre as novidades, destaca o espectáculo 'As Fillas de Apolo', ademais de que "todos os grupos de teatro da cidade estrearán unha obra (ao redor do Arde Lucus) con representacións pola rúa.


O orzamento para este ano é de 260.000 euros, distribuíronse 45.000 programas e máis de 17.000 carteis. Todos os espectáculos serán gratuítos, salvo o do circo romano, cun prezo de tres euros, aínda que para participar nas distintas actividades programadas hai que inscribirse na páxina web www.entradaslugo.es.

relacionada O Arde Lucus xa é Festa de Interese Turístico Nacional

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE