Morre unha persoa nunha saída de vía na Baña

|

Curvascarretera


Unha persoa faleceu esta madrugada tras saír da estrada co vehículo no que circulaba ao seu paso do municipio da Baña, na Coruña.


O sinistro produciuse na AC-546, a estrada que conecta Negreira con Muxía, á altura de Seoane, e a vítima saíu despedida do seu vehículo.


O 112 Galicia recibía unha chamada dunha persoa particular ás 3.10 horas desta noite, alertando de que vítima permanecía ferida de gravidade.


O Centro de Atención ás Emerxencias alertou ao 061, Bombeiros do Xallas e a Garda Civil de Tráfico. Os efectivos sanitarios trasladaron á vítima aínda con vida ao PAC de Negreira, onde acabou falecendo.


ATROPELO EN MOS


Doutra banda, unha muller resultou ferida este sábado en Mos ao ser atropelada por un camión, nun aparcadoiro dunha nave do Polígono de Montefontiña.


Segundo a información facilitada ao 112, a vítima foi atropelada cando se dispoñía a acceder á nave, destinada á venda de froitas, para incorporarse ao seu posto de traballo.


Unha persoa particular contactou co 112 Galicia sobre as 6.40 horas desta mañá para explicar o ocorrido e informouse ao 061, a Protección Civil e á Garda Civil de Tráfico.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress