Villares di que o substituto de Feijóo será "En Marea"

|

Villaresvota


O portavoz de En Marea, Luís Villares, asegurou que o substituto do actual presidente da Xunta, Alberto Núñez Feijóo, á fronte do Goberno galego na próxima lexislatura "será o proxecto político de En Marea" mentres que o portavoz do PPdeG na Cámara autonómica, Pedro Puy, considerou que a oposición ve ao actual xefe do Executivo autonómico "como un activo electoral forte".


Así se pronunciaron ambos os dirixentes políticos ao ser preguntados este luns polas declaracións efectuadas o domingo pola portavoz nacional do Bloque, Ana Pontón, quen considerou, nunha entrevista concedida á Cadea Ser, que Feijóo repetirá como candidato nas próximas eleccións galegas.


Mentres que Luís Villares explicou que esta cuestión "non é algo que preocupe" á súa organización, sinalou que o "incumprimento de Feijóo da súa palabra" é reiterada, como, na súa opinión, se mostra tamén en cuestións como a AP-9 ou os Orzamentos Xerais do Estado.


Pola súa banda, tras ironizar sobre as "capacidades adivinatorias" de Ana Pontón, o portavoz parlamentario do PPdeG considerou que "lle parece ben" que a oposición opine que Feijóo "será o próximo presidente" dado que supón que o ven "como un activo electoral forte" e, para o BNG, "imbatible".


Sobre esta cuestión tamén foi preguntado o deputado do PSdeG Julio Torrado, quen lembrou que Feijóo xa dixo que non se ía a presentar na pasada lexislatura "e presentouse". "O que é relevante é que o próximo presidente da Xunta non sexa do PP".

relacionada Ana Pontón augura que "o substituto de Feijóo é Feijóo"
relacionada Puy rexeita "lecturas" sucesorias na decisión de deixar a cinco conselleiros no Parlamento
relacionada Feijóo di que Rajoy non nomeará a dedo o seu sucesor, como fixo Aznar
relacionada Feijóo: "12 anos de presidente autonómico na España de hoxe é moito tempo"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress