Buscan un mozo de 26 anos que falta do seu domicilio de Ferrol desde o sábado

Un veciño de Ferrol de 26 anos de idade, Jonathan Fiel Cabadas, atópase en paradoiro descoñecido desde primeira hora da noite do pasado sábado, 25 de febreiro. No momento da súa desaparición vestía un pantalón vaqueiro de cor negro e cazadora azul cun escudo da agrupación musical Virxe do Carmen de Ferrol.

Ademais, tampouco foi localizado o seu vehículo, un Ford Festa de cor vermella, matrícula PO-3195-AM, que leva no medio do capó dianteiro unha adhesivo da emisora musical 'Cadea Dial'.

Jonathan mide 1,74 metros e pesa uns 80 quilos, ten o pelo curto, ollos castaños e usa lentes brancas. Leva nas costas unha tatuaxe con motivos de poker, como cartas e dados, ademais de manchas de nacemento nesta mesma zona do seu corpo.

O último lugar do que se ten constancia da súa presenza é a rúa María de Ferrol, en pleno barrio da Magdalena.

Os seus familiares máis próximos presentaron tamén unha denuncia na comisaría da Policía Nacional.