Retoman a busca do octoxenario desaparecido en Carballeda de Valdeorras
Vivía só e foi visto por última vez o xoves. O operativo parou pola noite por falta de luz.
Na mañá deste domingo renovouse a procura do home de 88 anos residente en Carballeda de Valdeorras (Ourense) que permanece desaparecido desde o pasado xoves.
O operativo de procura está formado polo equipo de rescate da Garda Civil, voluntarios de Protección Civil, o Grupo de Emerxencias Supramunicipal (GES) de Valdeorras e veciños da zona.
O pasado xoves foi o último día en que foi visto este home, de 88 anos e que, no momento da desaparición, residía só na súa vivenda do municipio ourensán de Carballeda de Valdeorras.
As tarefas de localización, que se concentran na zona do Teixadal de Casaio, foron suspendidas a pasada noite do sábado por falta de luz e renováronse á primeira hora deste domingo.
Continúa a procura do home desaparecido en Ferrol tras saír pescar
Levan a países do Leste carteis de procura de Diana Quer
Localizado en bo estado o home desaparecido en Santiago de Compostela
Escribe o teu comentario