Galicia rexistrou 61 vítimas mortais en accidentes laborais o pasado ano
A nivel estatal, o número de sinistros laborais saldados con falecemento alcanzou os 565.
Galicia pechou o pasado ano 2016 cun total de 61 vítimas mortais en accidentes laborais, segundo datos do Ministerio de Emprego e Seguridade Social.
A nivel estatal, o número de sinistros laborais saldados con falecemento elevouse respecto de 2015 con "55 mortes máis" ata alcanzar os 565.
Deles, 466 producíronse durante a xornada laboral e 99 durante os desprazamentos entre o fogar e o posto de traballo. Por comunidades, a maior taxa de vítimas mortais rexístrase no País Vasco (4,8%), Castela e León (3,17%) e Aragón (3,3%).
Por sectores, a industria manufactureira concentra o maior número de accidentes con baixa (76.260) cun aumento do 9% respecto ao ano anterior, seguida polo comercio almacenista e comercio polo miúdo, a reparación de vehículos a motor, a construción e a hostalería.
Escribe o teu comentario