Morre no interior dun coche un home localizado en parada cardiorrespiratoria tras saírse da vía en Santiago

Profesionais sanitarios trataron de reanimar sen éxito na mañá deste martes a un condutor que foi localizado en parada cardiorresporatoria tras saírse da vía en Santiago de Compostela.

Segundo informou o 112 Galicia, o vehículo que manexaba saíuse da vía na estrada da Carballeira de San Lorenzo, en Santiago, aínda que, indicou o 112, descoñécese se esta circunstancia garda relación cun accidente de tráfico ou cunha indisposición previa do seu condutor.

Arquivo: Ambulancia

O 112 Galicia recibiu información deste suceso ás 8,00 horas deste martes a través de profesionais de Urxencias Sanitarias de Galicia-061, pois foi unha das súas dotacións a bordo dunha ambulancia quen localizou a persoa inconsciente no interior do vehículo.

En aparencia, o turismo saíuse da vía, aínda que se descoñece se por accidente de tráfico ou cun problema de saúde do condutor, que derivou nunha parada cardiorrespiratoria sen posibilidade de recuperación, apuntan as mesmas fontes de emerxencias.

Así, a pesar dos intentos do equipo médico, a persoa faleceu no interior do vehículo. Ademais, por se fose necesario o rescate, o persoal do 112 Galicia pediu a colaboración dos Bombeiros de Santiago e avisou á Policía Local.