Marta Ortega, é algo máis ca unha cara mediática?

 A relación de Pablo Isla coa muller, filla e cuñados de Amancio Ortega non era boa, mesmo nos últimos anos acrecentáronse máis ante o “avance” dos cuñados de Ortega, que serán os que van tutelar “” á súa sobriña Marta.

Estes días produciuse unha gran polémica polo nomeamento de Marta Ortega como presidenta de Zara. A filla do fundador da firma internacional é máis coñecida pola súa presenza nas páxinas rosas que nas de economía. Gran afeccionada aos cabalos - en Arteixo o seu pai construíulle un “pequeno” hipódromo- vella en compañía de personaxes coñecidos que promocionan as revistas do corazón. Non se lle coñecen outras virtudes, senón a de ser a filla de Amancio Ortega. Non é ningún desprestixio, senón a constatación dos feitos. É unha “executiva” mediática.

Nunha empresa privada, o propietario pode facer o que considere máis oportuno, el é o que se xoga o seu diñeiro cada día. Pero o fenómeno da empresa galega foi estudado nas mellores escolas de negocio como modelo de éxito. O triunfo, nun primeiro momento é obvio que se debe ao seu creador - e á súa primeira esposa, Rosalía Mera-, pero moito tiveron que ver os grandes executivos niso. Primeiro foi José María Casteláns, que estivo con Ortega durante os primeiros anos nos que empezou o gran despegamento da compañía. Incomprensiblemente, marchouse da mesma coa discreción que lle caracterizaba. Tras esta marcha tan importante, Pablo Isla substituíuno, e mesmo lle superou, ao ser nomeado presidente da empresa, tras o paso “atrás” do seu fundador, que non deixou de ir traballar nin un só día. Isla, xunto a un bo equipo supervisado por Amancio Ortega, levou a cabo a expansión do grupo e situou á firma no alto da cima. Pero xa se sabe: cando unha empresa sobe como a escuma, e ademais hai demasiada familia que traballa nela, o executivo que contribuíu ao seu éxito ten que marcharse polas interferencias familiares.

A relación de Pablo Isla coa muller, filla e cuñados de Amancio Ortega non era boa, mesmo nos últimos anos acrecentáronse máis ante o “avance” dos cuñados de Ortega, que serán os que van tutelar “” á súa sobriña Marta. Queren o control da firma agora que o seu fundador ten 85 anos, a súa irmá está para outras cousas e a súa sobriña ten a vista posta en Madrid, de onde é o seu actual marido, que traballa tamén no grupo de Zara.

A nova etapa de Inditex percíbese como unha incógnita que quedou reflectida na baixada das súas accións en bolsa o mesmo día que se coñecían os cambios na cúpula, que xeraron desconfianza.

Marta Ortega, segundo os entendidos, non está preparada para presidir unha compañía desta magnitude. Ten tempo e diñeiro suficiente para demostrar que é algo máis que unha nena rica que llo atopou todo feito, como se pensa dela. Poida que cos anos e un bo equipo - se non se queiman antes- as cousas sigan indo ben, mesmo mellor, pero a ambición dos parentes e a idade de Amancio Ortega non son boas perspectivas para o futuro da firma. Sería unha pena tirar por terra o legado que fixo ata o de agora o seu fundador, cuxa labor solidario tamén é un exemplo digno de resaltar.