A melloría perde velocidade sementando dúbidas de se haberá ou non outra onda importante de covid

Os 146 novos positivos por PCR comunicados hoxe serven para seguir rebaixando os índices de diagnósticos, pero dunha forma un pouco máis modesta que a principios de semana.

Os casos activos continúan caendo moi rápido e xa estamos en menos de 4.000 por vez primeira desde o 7 de xullo. Non hai indicios de rebote, aínda que a velocidade de melloría xa non é tan fulgurante, como por outra banda era de esperar. O excepcional é a enorme caída destas semanas.

Así, a incidencia acumulada semanal pasa de 39 a 37 positivos por cada 100.000 galegos á semana. É o mellor valor desde finais de xuño.

A incidencia acumulada a 14 días cae de 112 a 103, un descenso de 9 puntos que pon a este marcador a piques de baixar da barreira psicolóxica de fiel, algo que non lograbamos desde o 6 de xullo.

O dobre da incidencia semanal ( 74 ) é menor que a incidencia bisemanal (  103 ). En concreto, a razón de taxas resultante é de 0,73, o que nos indica que na última semana houbo un 27% menos de de positivos que na anterior.

Este ritmo de caída, 27% menos de diagnósticos á semana, é algo menos veloz que o de onte,  (29%) pero segue sendo excelente. 

A taxa de positividade onte foi do 4,5% das 3.700 PCRs. A cada día que psa o SERGAS fai menos e menos probas, onte menos de 2.900. A pesar diso a media semanal da taxa de positividade non cae, descende, aínda que sexa pouco como hoxe. 

SITUACIÓN DOS INDICADORES NO SEMÁFORO DE ALERTAS

Así, a media móbil a sete días da taxa de positividade  baixa do -4,4% ao -4,3% tras 17 días seguidos de descensos.  Segundo os criterios do semáforo de alertas oficial, a taxa de positividade de Galicia segue en risco baixo pero o previsible é que a próxima semana reconquistemos a nova normalidade. 

A incidencia semanal necesita baixar de 25 para salirde risco medio e entrar en risco baixo. Conseguirao Galicia antes de que se produza algún repunte debido ao aumento da mobilidade tras as vacacións? Esta é unha das grandes incógnitas da pandemia que nos axudará a compreder o verdadeiro impacto das elevadas taxas de vacinación.

EVOLUCIÓN DOS CASOS ACTIVOS

O total de infectados continúan derrubándose rapidísimamente, cun -7,1% menos hoxe. A media semanal, o indicador máis relevante, dá un paso polo mal camiño, achegándose a cero unha décima, pero o certo é que está en valores elevadísimos, xamais vistos en toda a pandemia ata esta semana, cun -6,7% actualmente. 

En termos absolutos, as porcentaxes de hoxe equivalen a un descenso  -287 ,que deixa o total en Galicia en  3.754 casos activos. 

CONCLUSIÓNS

Con todas estas estatísticas sobre a mesa, podemos inferir que:

• Na batalla de contagios, ña pandemia segue perdendo máis e máis terreo nun momento, pasados dous meses e medios do pico da onda no que, en teoría, debería empezar a reconquistar terreo. 
• A evolución da loita entre diagnósticos e altas tamén é anómalo. A estas alturas é algo verdadeiramente excepcional unha caída tan veloz dos casos activos.
• Hai algún outro factor máis aló das vacinas que expliquen este comportamento extraordinario? Pode, pero probablemente ningún sexa tan determinante como a vacinación.
• Será suficiente a alta vacuanción dos galegos, superior ao 80%, para impedir calquera outra nova onda importante? Esta é a gran incógnita que se cerne agora sobre nós. De habela, debería empezar a deixarse notar nas primeiras semanas dun curso que acabamos de empezar.

DATOS POR ÁREAS

A Coruña ( 40 ) volve ser a área que máis diagnósticos achega, o que é normal debido a que é a máis poboada. É a primeira vez nesta quinta onda que ningún distrito do SERGAS pasa de 40 novos diagnósticos. Ferrol, a área máis despoblada, leva xa unha semana sen sumar de 10 positivos nun día, hoxe son só dous.

Máis datos a nivel municipal e de distrito do SERGAS nuns minutos en Galiciapress.