Un albariño de Martin Códax vence a 264 candidatos de 23 países grazas á súa orixinal etiqueta

Algunhas adegas, conscientes do importante de rexuvenecer o seu público obxectivo, apostan por presentacións que deixan atrás a sobriedade típica de a industria do viño.

É o caso da etiqueta deste Rías Baixas, que explota a famosa maridaxe entre a pesca galega, o viño albariño e  os pratos de peixe.

FINAT é a asociación europea para a industria das etiquetas autoadhesivas. Tamén cobre as tecnoloxías de identificación e decoración de produtos.  Aos seus premios deste ano presentáronse 264 etiquetas de 23 países e a gañadora foi unha proposta galega; iniciativa conxunta de Adegas Martín Códax, o estudo de deseño Marta Lojo e IPE Industria Gráfica  para o packaging do albariño Navegando ALALBA.

Navegando ALALBA tiña que transmitir a esencia do Atlántico que é a que lle achega o carácter ao viño e á vez debía ser ousado e moderno, mesmo transgresor 

"Para nós Navegando ALALBA tiña que transmitir a esencia do Atlántico que é a que lle achega o carácter ao viño e á vez debía ser ousado e moderno, mesmo transgresor, xa que o viño tamén o é”, explica a directora de Marketing e Comercial de Adegas Martín Códax , María Garrido.

De "mariñeiro, fresco e extrovertido" tacha Martin Codax a serie Navegando ALALBA, un dos seus últimos lanzamentos. Carácter que logra transmitir a presentación usando, entre outros medios, unha etiqueta que simula ser unha rede, identificable non só á vista senón tamén ao tacto.