Acaba hospitalizado tras enfrentarse a un intento de ocupación nunha pelea multitudinaria en Vigo

Os veciños do Barrio das Flores alertan que hai un grupo especializado en meterse en inmobles para extorsionar aos donos. Onte pillaron a unha muller e a dous menores entrando nunha casa e a tensión acabou nunha liorta multitudinaria.

Un intento de 'okupación' nunha vivenda de Vigo acabou nunha liorta multitudinaria, na que hai resultado feridas polo menos 6 persoas, e na que se ocasionaron danos materiais na propia vivenda e nun vehículo do seu propietario.

Comisaría de Vigo

Segundo informou a Policía Local, os feitos tiveron lugar na tarde deste martes, cando unha muller de 33 anos de idade, V.J.C., tentou 'okupar' unha vivenda do Barrio das Flores xunto coas súas dúas fillas menores. Para iso forzou a entrada da casa cunha pata de cabra.

Ao decatarse do ocorrido, os veciños avisaron ao propietario do inmoble, que se presentou no lugar e alertou á muller de que debía abandonar a vivenda, que non estaba baleira, e que se non se ía avisaría á Policía. Inicialmente, a muller pareceu acceder, pero sinalou que, como xa introducira algúns dos seus aveños na vivenda, chamaría aos seus familiares para que a axudasen a sacalos.

FAMILIA ACODE A APOIAR A  As OCUPANTES

Sobre as 22,00 horas, presentáronse no lugar varios familiares e amigos desta muller, "portando paus e bastóns", e enfrontáronse co dono da casa, dicíndolle que non se irían e que estaban alí para defender á muller no caso de que quixese botala.

"Sen mediar provocación algunha", segundo informou a Policía, "comezaron a insultar e ameazar ao home" e, ante o alboroto, varios veciños saíron á rúa. Finalmente, xuntáronse uns 30 veciños que, segundo relataron posteriormente, foron insultados, ameazados e agredidos polos achegados da muller 'okupa'.

FERIDOS E DANOS MATERIAIS
Como consecuencia desta liorta, resultaron feridas polo menos 6 persoas: o dono da vivenda obxecto de disputa, ao que golpearon na cabeza, mandíbula, ombreiros e tórax; unha veciña da zona, que acabou cun brazo roto e foi trasladada en ambulancia ao hospital Álvaro Cunqueiro; así como outras 4 persoas con diferentes lesións que se trasladaron polos seus propios medios ao PAC da rúa Pizarro (e que confirmaron que presentarían denuncia).

Con todo, fontes policiais precisaron que é posible que houbese máis feridos, pero que varios implicados fuxiron á chegada das dotacións policiais, e outros non quixeron apuntar as lesións por medo ás ameazas e represalias dos agresores.

PROBLEMA FRECUENTE

De feito, apuntaron as mesmas fontes, algúns dos veciños relataron que "están fartos deste tipo de accións por parte de individuos que viven na zona, xa que son constantes as pelexas entre eles, xerando moitos problemas de convivencia".

Ademais das persoas feridas, tamén se rexistraron danos na vivenda cuxo propietario tratou de evitar a 'okupación', con rotura de cristais e persianas. Os atacantes tamén romperon o parabrisas da furgoneta deste home, e causaron danos na xanela traseira esquerda do vehículo, e outros danos.

VARIOS IDENTIFICADOS
A Policía logrou identificar nas inmediacións do lugar onde se produciu a liorta a varias persoas, sospeitosas de participar nos feitos, e que os axentes xa coñecían por ser "habituais deste tipo de condutas".

Así, foron identificados J.J.B., de 33 anos de idade, e o seu fillo, que se atopaba indocumentado; e outra persoa, I.G.L., de 26 anos de idade, todos eles veciños de Vigo.

Os sospeitosos foron interceptados cando trataban de fuxir nun vehículo, en cuxo interior os axentes atoparon un pau e un bastón, que foron incautados. Tamén se localizaron, nos arredores, outros 4 bastóns e un martelo supostamente utilizados na liorta.