Transportistas galegos piden o embargo de Iveco España para que pague polo cártel de camións
O despacho vigués Balms Avogados pediu o embargo da sociedade Iveco España como medida para forzar o pago dos case 40.000 euros que debe pagar a unha empresa de Meis, tras a sentenza do xulgado do mercantil número uno de Pontevedra que condenou á compañía polos sobrecustos polo cártel de camións.
A pioneira sentenza, a primeira firme en España, contra os fabricantes por sobreprezos de camións debe ser executada xa, ao estar Iveco "en rebeldía procesual", alegan os letrados de Trasnportes Kartin, unha empresa de Meis.
Camións de Transportes Kartin nunha imaxe da súa web
NON PAGOU NO PRAZO VOLUNTARIO
Unha vez concluído o prazo de pago voluntario do montante decretado na sentenza, Balms Avogados pediu ao xulgado esta medida ao considerar que Iveco España atópase "en rebeldía procesual", é dicir, non aceptou, nin respondeu a ningún dos requirimentos que, durante o proceso, remitíronselle desde o xulgado.O Xulgado do Mercantil número 1 de Pontevedra ditou o pasado mes de setembro sentenza condenatoria contra o fabricante de camións Iveco Spa en favor de Kartin SL, no que sería a primeira sentenza en firme en España contra o coñecido como cártel dos camións ao non recorrer a empresa en prazo.
CASE TANTOS INTERESES COMO INDEMNIZACIÓN
Segundo cuantifica a propia sentenza, Iveco Spa debe abonar a Kartín SL unha indemnización por danos que ascende a preto de 20.000 euros, e outros 19.240 euros correspondentes aos intereses legais desde a data de compra do vehículo.
O mesmo xulgado tamén ditou sentenza condenatoria contra MAN Truck & Bus AG, aínda que neste caso foi recorrida, polo que aínda non pode considerarse como firme.
Escribe o teu comentario