O voto por correo esborrállase un 47% en Galicia, o que apunta a unha baixa participación que favorece ao PPdeG

As xuntas electorais aceptaron o por correo de 89.677 persoas na Comunidade galega nas xerais de primavera. Por agora, a un día que se peche o pazo, van menos de 48.000 solicitudes. A caída na participación favorece tradicionalmente aos partidos de dereitas.

Correos admitiu xa case un millón de peticións de voto por correo para as eleccións xerais do próximo 10 de novembro a nivel estatal, unha cifra provisional que é inferior nun 30% á rexistrada no mesmo período previo aos comicios do 28 de abril.

Colas de voto por correo nunha oficina galega na primavera| CRTVG

En Galicia, foron 47.609 a solicitudes entregadas nas Delegacións Provinciais da Oficina do Censo Electoral, 17.926 na Coruña, 6.461 en Lugo, 7.583 en Ourense e 15.639 en Pontevedra. Isto supón un 53% do total aprobadas nos pasados comicios xerais na autonomía.

PREVISIBLE MENOR PARTICIPACIÓN

A falta de que este venres acabe o prazo para solicitar o voto por correspondencia, a sociedade estatal ha informado de que xa admitiu un total de 918.455 peticións de cidadáns que desexan exercer por correo o seu dereito ao voto nas Eleccións a Cortes Xerais.

Nas eleccións de abril, tamén a falta dun día para que se pechase o prazo, Correos xestionara 1.310.706 solicitudes, o que supón unha redución do 29,92% nos actuais comicios. O dato definitivo daquela campaña elevouse por encima dos 1,33 millóns, e nas eleccións de xuño de 2016 foi mesmo máis alta e chegou aos 1,46 millóns.

AS OFICINAS DO CENSO PREPARAN A DOCUMENTACIÓN
Ata este xoves, Correos xa entregara 815.646 solicitudes nas Delegacións Provinciais da Oficina do Censo Electoral, a encargada de proporcionar a documentación electoral para exercer o dereito ao voto.

As comunidades autónomas en cuxas Delegacións do Censo entregáronse máis solicitudes de voto por correo foron Andalucía, con 140.913 peticións; Madrid, con 135.681; e Cataluña, con 84.786 solicitudes.

Tras comprobar a inscrición dos solicitantes no censo, as Delegacións Provinciais da Oficina do Censo Electoral tramitarán os envíos coa documentación electoral á dirección indicada polo elector na solicitude, con carácter certificado e urxente.

Correos distribúe dita documentación e responsabilízase de realizar polo menos dous intentos de entrega en man ao propio destinatario, deixando o aviso para que vaia a recollela á súa oficina en caso de non ser posible realizar a entrega en persoa.

O solicitante ten de prazo ata o venres, 8 de novembro, para depositar o sobre co seu voto en calquera dos preto de 8.600 puntos de admisión con que conta Correos en toda España, no seu horario habitual e, como máximo ata as 14 horas, de acordo coa decisión de ampliación adoptada pola Xunta Electoral Central.

322.000 ELECTORES XA VOTARON POR CORREO
Ata este xoves, a sociedade estatal xa puxo ao dispor dos electores 567.585 documentacións electorais e mesmo xa se admitiron 322.140 votos por correo. En todo caso, Correos recomendo non esperar ata o último día e aproveitar a amplitude horaria das oficinas postais.

De feito, para axilizar a xestión do voto por correo, as oficinas postais abrirán este domingo de 9:30 a 14:30 horas e, a partir do luns, ampliarán o seu horario de atención ao público: abrirán media hora antes e pecharán unha hora máis tarde para axilizar o voto por correspondencia. Estas medidas completaranse coa apertura das 112 oficinas nas que se prevé maior afluencia de forma ininterrompida de 8 da mañá ata as 21:30 da noite.

Para levar a cabo estas tarefas, Correos realizou 4.050 contratos de reforzo para oficinas e repartición e está a poñer todos os seus medios loxísticos e tecnolóxicos ao servizo da xestión das actividades que ten encomendadas nos procesos electorais.

OUTRAS TAREFAS DE CORREOS
A colaboración de Correos nas Eleccións esténdese tamén á repartición das tarxetas de inscrición no censo e aos envíos de propaganda electoral, ademais das comunicacións a membros das Mesas Electorais, envío aos Concellos da lista do censo, recollida de documentación o día das eleccións, etc.

Así, a Sociedade Estatal está a distribuír as 34.870.482 tarxetas censuais remitidas polo Instituto Nacional de Estatística aos fogares dos cidadáns con dereito a voto o 10 de novembro, nas que figuran os datos da súa inscrición no censo, así como o colexio e a mesa de votación correspondente.

Ademais, desde o 25 de outubro ata o 8 de novembro, Correos repartirá os envíos de propaganda electoral dos diferentes partidos e coalicións que concorren aos comicios.