Búscase á familia galega de Antonio Machín

O gran mito da música latina ten as súas raíces no país e un dos seus descedientes ándaas buscando con axuda do Goberno e a Xunta

Un dos descendentes do cantante cubano-galego Antonio Machín, en concreto o seu sobriño-neto Alfonso Lugus de León, iniciou unha investigación para "despexar as incógnitas sobre as súas raíces galegas", segundo manifestou o Goberno de Galicia este sábado nun comunicado.

A Administración autonómica explica que a Secretaría Xeral de Emigración colabora actualmente co familiar de Antonio Machín para atopar a outros parentes, así como o propio lugar de nacemento do pai do músico, Juan José Lugo Padín, un ourensán que emigrou a Cuba en 1873.

Despois de máis dun século, Alfonso Lugus de León recorreu aos servizos do Executivo galego para "atopar información sobre as súas orixes".

En concreto, a área de Emigración conta cun convenio con diferentes dioceses galegas que posúen antigas partidas de nacemento e que grazas a unha plataforma web os usuarios da internet poden acceder a elas a través do servizo de la Xunta.