O senador de En Marea probablemente compartirá grupo cun representante de Errejón

Izquierda Confederal. Así se chamará o novo grupo parlamentario no Senado que anuncian senadores das confluencias de esquerdas, moitos  críticos coa liña de Pablo Iglesias liderando Podemos. José Manuel Sande, o senador galego procedente de En Marea, podería unirse a ese novo grupo.

Sumarase Sande a Izquieda Confederal? "En principio si, pero non está confirmado", responden fontes de Galicia En Común-Unidas Podemos consultadas esta mañá por Galiciapress, despois de que onte filtrásese unha iniciativa que, na práctica, borra a marca de Podemos no Senado.

Sande co líder de Podemos Galicia e a deputada de Galicia En Común Yolanda Díaz

Así varias confluencias nas que participa o partido morado optaron por crear un grupo novo, chamado Izquierda Confederal, que deixaría baleiro ou case baleiro o actual, chamado Confederal Unidas Podemos-En Comú Podem. 

RIVAIS DE IGLESIAS

Na iniciativa participan persoas próximas a Teresa Rodríguez (Andalucía), Ada Colau (Barcelona) e Mónica Oltra (Valencia) pero tamén a Íñigo Errejón. 

Máis Madrid, liderado por Errejón colocaría no novo grupo a Eduardo Fernández Rubiño, senador por designación autonómica. 

Compartiría grupo con Sande, ex-concelleiro da Marea Atlántica coruñesa e que colaborou na campaña de Galicia En Común. Esperanza Gómez Coroa participaría por Adiante Andalucía, Sara Vila por Catalunya en Comú Podem, Carles Mulet por Compromís e Vicenç Vidal por Més, de Baleares.

Que unha persoa investida co apoio de Podemos Galicia comparta grupo cunha persoa designada polo errejonismo ten relevancia, máis cando hai rumores de que Máis Madrid poderíase expandir a toda España se finalmente hai repetición de comicios en setembro.

ESQUERDA CONFEDERAL NON DESCARTA AMPLIAR O SEU CÍRCULO

"Forzas dun perfil ideolóxico progresista que comparten a defensa da autonomía política dos seus territorios e aspiran a converter o Senado nun auténtico órgano de representación territorial", así é como se define o grupo parlamentario Esquerda Confederal, que está aberto a novas incorporacións.