O comité de folga da 061 denuncia á Xunta por "vulneración de dereito a folga"

O comité de folga do 061 presentou unha denuncia ante a Inspección de Traballo contra a Fundación Urxencias Sanitarias 061 por "vulneración do dereito a

folga e liberdade sindical", por decretar uns servizos mínimos "desproporcionados do 100%".

Así, pide que se levante a correspondente acta de infracción en materia de vulneración dos dereitos fundamentais dos traballadores, con imposición da sanción que corresponda e notificación das actuacións levadas a cabo, segundo recolle nun comunicado.

O persoal ten prevista a próxima mobilización para o vindeiro mércores, 19 de setembro, ás 12,30 horas, ante a Consellería de Sanidade.

A xunta de persoal convocou, desde o pasado 1 de agosto, unha folga indefinida que afecta o persoal estatutario que presta os seus servizos nos actuais centros de traballo de Conxo e San Marcos. A folga desenvólvese das 12 e 14 horas e das 19 ás 21 horas todos os mércores, domingos e festivos.

Pola súa banda, o 061 subliñou, nunha resposta a Europa Press, que xa no mes de agosto o Tribunal Superior de Xustiza de Galicia (TSXG) determinou como medida cautelar que os servizos mínimos durante a folga e os paros convocados neste servizo "debían ser do 100 por cen dos servizos mínimos dado o seu carácter de servizo esencial".