O PPdeG critica a folga feminista e os seus efectos na mocidade
Paula Prado explicou no Parlamento de Galicia a súa posición respecto das mobilizacións do 8 de marzo
A folga feminista deste 8 de marzo supuxo un éxito histórico a todos os niveis, cun seguimento masivo e un apoio maioritario por toda Galicia. Con todo, a as mobilizacións non lles faltaron detractores e figuras políticas que ven na folga un fomento da desigualdade e unha forma de dividir a mulleres e homes.
A deputada do Partido Popular de Galicia, Paula Prado, xa mostrara en repetidas ocasións a súa opinión respecto da folga feminista do 8 de marzo. Esta vez, foi no Parlamento de Galicia onde se preguntou “que lle estamos trasladando á mocidade con esta folga só para mulleres”.
📽️👉@paulapra2 apelou non pleno do @Par_Gal a non confrontación en materia de igualdade e criticou que coa #FolgaDeMulleres non podemos trasladarlle á mocidade que a #igualdade e cousa só de mulleres porque 👉é cousa de todos #diadamuller pic.twitter.com/SYgajvU4Sj
— GrupoPopularGalicia (@GrupoPopularGal) 8 de marzo de 2018
A popular incidiu en que coas mobilizacións feministas dáse a entender que a igualdade é só cousa de mulleres, cando é algo que debe repercutir a “homes e a mulleres”. De acordo a Paula Prado, a igualdade é “cousa de todos”, unha idea que segundo a deputada non parece encaixar na filosofía da folga feminista.
Aínda así, moitas mulleres, figuras políticas, sindicatos e organizadoras destacaron que a finalidade do paro consistía en mostrar a influencia das mulleres na sociedade, ao berro de “se as mulleres pairan, o mundo para”. Algo que de ningunha maneira exclúe a os homes da ecuación, quen debía apoiar, na medida do posible, a que sus compañeiras puidesen acudir á folga, reivindicar os seus dereitos e demostrar a importancia do seu labor.
Paula Prado tamén quixo explicar no seu discurso a “base da desigualdade”, isto é, a plena incorporación da muller ao mercado laboral por unha banda, e a escasa incorporación dos homes ás tarefas domésticas. Aludiu ademais á necesidade de non “simplificar o discurso” e profundar nas causas da brecha laboral.
“FEMINISMO RADICAL E INTOLERANTE”
A deputada popular non foi a única figura figura pública en contra da folga feminista. A ex candidata de Cidadáns á Xunta de Galicia, Cristina Losada, manifestou por Twitter a súa opinión contraria ás concentracións do 8 de marzo. Defendeu que o seu éxito non vai a “empoderar ás mulleres, senón a un feminismo radical, máis coactivo e intolerante”, e que a súa finalidade non vai máis aló de "quedar ben e seguir non facendo nada".
Hoxe, unha parte da sociedade española, e da máis privilexiada, irase á cama convencida do guay e militante q é en materia de igualdade de xénero. Mañá será outro día. O confort moral é o opio das elites.
— Cristina Losada (@christinalosada) 8 de marzo de 2018
Cristina Losada viu no apoio á folga feminista un “rabaño político”, así como unha escusa das elites para sentirse militantes en materia de igualdade de xénero. “ O confort moral é o opio das elites”, sentenciou nun dos seus tweets.
Escribe o teu comentario