Agriden a unha menor cunha arma branca e filman a liorta en vídeo en Ourense

Este fin de semana tivo lugar unha pelexa entre dous menores de idade en pleno centro de Ourense, nun enfrontamento gravado en vídeo na que unha delas resultou ferida de consideración cunha arma branca, até o punto de necesitar asistencia hospitalaria. 

SUCESO

Os feitos, en coñecemento da Policía Nacional que xa abriu unha investigación sobre o ocorrido, tiveron lugar ao redor das 19:30 horas na rúa do Progreso, na cidade termal. Segundo o reporte policial, dous menores de idade protagonizaron unha liorta onde se empregaron armas brancas e unha delas presentaba cortes pola agresión.

Ao lugar desprazáronse os servizos de Urxencias Sanitarias de Galicia-061, que foron os que deron a voz de alerta ao Centro Integrado de Atención ás Emerxencias para solicitar a intervención das autoridads tras a agresión que foi, aparentemente, filmada en vídeo. 

Axentes da Policía Nacional, a Policía Local e a Policía Autonómica acudíronse no lugar do suceso e unha das menores foi trasladada a un centro hospitalario en ambulancia ao presentar unha ferida no brazo pola que necesitou puntos de sutura. As dúas menores tiñan relación, pois practicaban deportes xuntas segundo fontes consultadas. A investigación mantense aberta para coñecer os motivos do suceso.