A provincia de Ourense estará á primeira hora deste domingo en alerta amarela por temperaturas inferiores a -4ºC
O medidor de Xares, na Veiga, rexistrou a mínima deste sábado: -7.6 ºC ás 4:20 horas
As temperaturas baixaron en Galicia e as xeadas xeneralizáronse. Con todo, Meteogalicia activou, ademais, para este domingo, un aviso amarelo na provincia de Ourense, entre a medianoite e as 9:00, por temperaturas inferiores a -4ºC.
A incidencia anticiclónica seguirá este domingo sobre Galicia e espéranse ceos pouco nubrados ou despexados, con máis nubes no extremo norte e coa entrada de nubes altas progresivamente durante a tarde.
Segundo prognosticou Meteogalicia, as temperaturas mínimas seguirán sen cambios, mentres que as máximas poderían experimentar un lixeiro ascenso.
MÍNIMAS DO SÁBADO
No que respecta a este sábado, a mínima máis baixa en Galicia rexistrouna o medidor de Xares, no municipio ourensán da Veiga, ás 4:20 da madrugada, cunha temperatura de -7,6ºC.
Sen saír desta provincia, na cabeza de Manzaneda rexistráronse -7,2º ás 4:00, en Lardeira (Carballeda de Valdeorras), -6,5ºC ás 4:10, en Corzos (A Veiga), -5,5ºC ás 8:00 horas, e en Serra do Eixe (A Veiga), -5,1ºC ás 7:30.
Escribe o teu comentario