Un bus escolar atropela de gravidade a un ciclista en Ribeira
O afectado foi asistido e trasladado en helicóptero tras uns feitos ocorridos ao redor das 8:50 deste venres.
Un ciclista foi trasladado en helicóptero tras ser atropelado por un autobús escolar na estrada AC-305, ao seu paso pola parroquia de Palmeira, na localidade coruñesa de Ribeira.
Segundo informou o 112 Galicia, o sinistro produciuse sobre as 08.50 horas deste venres no punto quilométrico 37 desta vía. Foi o Servizo de Urxencias Sanitarias de Galicia-061 quen deu aviso á central de emerxencias, sinalando que o implicado necesitaba asistencia sanitaria urxente.
Así, os operadores do 112 activaron un operativo ao que se sumaron axentes da Garda Civil de Tráfico, a Policía Local e aos servizos de mantemento da estrada.
Ademais, o 061 mobilizou ao seu persoal a bordo do helicóptero medicalizado con base en Santiago, no que foi trasladado o ferido ao centro hospitalario de referencia. Mentres, ningunha das persoas que viaxaban no autobús sufriu feridas e os menores foron levados ao centro escolar.
Escribe o teu comentario