O Sergas notifica un novo falecemento por coronavirus

O Sergas notificou nas últimas horas outra persoa murte dunha persoa diagnosticada con coronavirus e outras 186 infeccións novas. Os ingresados con coronavirus continúan en ascenso até os 180, aínda que os casos activos da enfermidade descenderon a 2.424.

Segundo os últimos datos de Sanidade, o falecido trátase dun home de 88 anos da área sanitaria de Ourense-Verín-O Barco de Valdeorras, que contaba con patoloxías previas. Así, desde o inicio da pandemia notificáronse un total do 3.939 persoas falecidas.

En canto aos casos activos, nas últimas 24 horas baixaron en 44, até as 2.424, debido a que o número de altas (226) superou ao dos novos positivos.

A tendencia descendente replícase en catro das sete áreas sanitarias. Este é o caso da de Ourense-Verín-O Barco de Valdeorras, que contabiliza 412 (12 menos); a de Santiago-Barbanza, con 354 (unha baixada de 12); a de Vigo, con 353 (19 menos), e a de Ferrol, con 195 (3 menos).

Na área da Coruña-Cee a cifra de casos activos mantense invariable nos 541 e descendeu lixeiramente na de Lugo-A Mariña-Monforte, que ten 287, e na de Pontevedra-O Salnés, con 279. Do mesmo xeito, hai tres pacientes Covid sen área asignada.
 

CONTAGIOS

Na última xornada, o Sergas abriu outros 186 novos casos de coronavirus. De todos eles, 44 son da área da Coruña , 33 de Ourense, 28 de Santiago, 25 de Pontevedra, 23 de Lugo, 17 de Ferrol e 16 de Vigo.

Desde o comezo da pandemia, Galicia rexistrou un total de 681.631 casos activos. De destos, 150.284 son da área de Vigo, 141.056 da Coruña, 108.866 de Santiago, 84.467 de Ourense, 77.222 de Pontevedra, 76207 de Lugo, 42.449 de Ferrol e 980 sen distrito sanitario concreto.
 

HOSPITALIZADOS

No que respecta aos hospitalizados con covid, ascenderon até os 180 en toda Galicia, que son 11 máis que hai un día. Son 170 en planta (10 máis) e 10 en UCI (un máis).

A cifra de hospitalizados crece en tres das sete áreas sanitarias: a da Coruña contabiliza 66 (dúas máis), das cales cinco están na UCI (un máis); a de Ourense 28 (seis máis), cun paciente en UCI, e a de Vigo, con 17 (cinco máis), dos cales tres están en coidados intensivos (uns máis).

No lado opostos están a área de Ferrol, que baixou a 16 ingresados (un menos), e a de Lugo, que descendeu a 12 (un  menos), sen ter ningún paciente en coidados intensivos. Doutra banda, non varían as áreas de Pontevedra nin a de Santiago, con 26 e 15 pacientes hospitalizados respectivamente.