Médico especialista de Atención Primaria de Outes. Plataforma SOS Sanidade Pública.
“Quen con nenos se deita mollado amence”: argumento de peso de conselleiro de Sanidade (Comesaña) no Parlamento de Galicia.
A Plataforma SOS de Saúde Pública de Galicia (que existe desde fai máis de 20 anos) é unha entidade que agrupa a partidos políticos da oposición, sindicatos, organizacións científicas e sociais, organizacións veciñais, colectivos representativos de diferentes pacientes, particulares, etc.
Convocamos a saír á rúa o 12 de febreiro ás 12 h. desde a Alameda de Compostela até a Praza do Obradoiro. Motivos non faltan: o desmantelamento e privatización da sanidade pública en Galicia. Isto, que parece tan obvio aos ollos da sociedade galega, é considerado pola administración do PP como "casos illados e que Madrid ten a culpa". E si escoitamos os argumentos, “un dos mellores” é o que encabeza este artigo.
A escusa principal é a "falta de médicos". No MIR 2023 ofrecéronse 8.550 prazas (a cifra máis alta desde que comezou este sistema) e postuláronse 12.250 egresados. O propio sistema deixa fóra 3.700. E en Galicia, o señor Rueda ofertou 106 vacantes (sen fase de oposición), presentáronse 350 ( polo que 244 quedaron fóra..) e só ingresaron finalmente 90.
Está claro que os profesionais, nas condicións actuais de precariedade e baixos salarios, non ven o seu futuro na Atención Primase ... especialmente na galega. E aínda temos que escoitar ao señor Feijóo dicir con total descaro: "O PP quere gobernar porque a sanidade, cando non funciona, o que fai é xerar unha lista de espera e a lista de espera é a maior privatización da sanidade”
Ademais, en Galicia están a anunciarse vacantes… das convocatorias ordinarias de 2020, 2021 e 2022 (que non se fixeron antes). Foron anunciadas no DOG o 5 de xaneiro de 2023. Inclúen, entre outros, 150 prazas para médicos de familia e 155 especialistas na área. Son claramente insuficientes para as necesidades actuais.
O PP goberna desde 2009 cando a débeda pública era de 2.900 millóns de euros. En 2023 é de 12.000 millóns de euros.Gastaron 9.100 millóns máis do que recibiron! Cada orzamento anual en Galicia é de 11.000 millóns de euros: a pregunta do millón é: que se fai con este diñeiro? Que é máis importante que a saúde da poboación?
Comesaña dixo cando se reuniu con algúns dos alcaldes de Pontevedra: “é un tema partidista, meramente político”e atreveuse a censurar o manifesto que fixeron, “por non citar ao Ministerio de Sanidade. Como sempre, a culpa é de outros!.
Os alcaldes esixiron ao Xunta de Galicia unha "mellora das condicións laborais do persoal sanitario e a mellora da rede de centros da nosa zona: sabemos que faltan médicos, sabemos como está a xente, . viaxando entre municipios buscando traballadores sanitarios, centros onde poidan ser atendidos…" .Nosostros engadimos:as competencias en Sanidade son enteiramente da Xunta do PP!.
Os últimos datos de listas de espera no Sergas son de 75 días para operacións e de 55 días para consultas especializadas. En Atención Primaria, o propio Sergas admite que o 13% das citas de AP demoran máis de 4 días. E sen contar os pacientes do "chamarémolo". Estes datos non se axustan á propia Lei redactada polo PP de garantías das prestacións sanitarias. Pouco lles importan as Leis mesmas cando non as favorecen!
E que pasou esta semana? Intentam eliminar a dedicación exclusiva dos médicos para favorecer o labor dos médicos do sector privado. Respondémoslles esta é unha acción negativa (e ilegal) e só beneficiará ás empresas privadas de saúde, é dicir, un paso máis na privatización do sistema público de saúde. O feito de que os médicos "se xubilen aos 72" xa é asombroso!
A responsabilidade da xestión recae nos administradores do sistema de saúde. Sorprende ver que o gasto militar español para 2023 será de 27.617 millóns de euros. A partida supera mesmo o 2% esixido pola OTAN. O orzamento do Ministerio de Defensa para 2023 aumenta un 26%. Datos como estes crean alarma social.
Que o diñeiro que se necesita non se dedique ao ben máis prezado que temos que é a saúde, isto non o entenden os administradores e hai que dicirllo claro. E como os parlamentos, ás veces, parecen diálogos de xordos, sairemos á rúa, unha vez máis, para que alto, forte e contundente, expresar o que pensamos sobre a xestión sanitaria, tanto en Madrid como en Galicia.
O 12 ás 12 na Alameda de Compostela. Non cho perdas!
Escribe o teu comentario