A consultora Grant Thornton retorna ao mercado galego abrindo en Vigo
A firma de contabilidade e consultoría Grant Thornton volve implantarse en Galicia coa reapertura dunha oficina en Vigo que contará con tres socios que prestarán servizos xurídicos de fiscal, legal e laboral.
A empresa informa nun comunicado que Tania Álvarez será a nova socia de fiscal, Javier Ruiz encargarase da área legal mercantil, e Borja Ríos levará a liña laboral da oficina.
En calquera caso, a firma informa de que prevé ir ampliando os seus servizos con todo o seu portfolio de servizos actual, como a consultoría de negocio, tecnoloxía e innovación, asesoramento financeiro, externalización ou auditoría.
Con Vigo, Grant Thornton suma unha presenza en 11 cidades de toda España, ao ter sedes en Barcelona, Bilbao, Castelló, Las Palmas de Gran Canaria, Madrid, Murcia, Oviedo, Pamplona, Valencia e Zaragoza.
Escribe o teu comentario