Antonio López presenta a súa candidatura a reitor da USC

O profesor Antonio López presentou este venres a súa candidatura a reitor no rexistro xeral da USC, acompañado de Mar Lorenzo e Gumersindo Feijóo

, á vez que se marcou o reto de que a universidade compostelá "recupere o liderado que lle corresponde".

Nun comunicado, López explicou que se presenta como candidato despois de escoitar as demandas e propostas da comunidade universitaria, e que o obxectivo da súa candidatura é "dar resposta ás mesmas".

Tras visitar todos os centros da universidade e reunirse con máis de 700 profesores, alumnos e persoal de administración, diagnosticou "tres crise na USC: unha económico-financeira, outra democrática e unha crise de ilusión".

Ao seu xuízo, a xestión do actual reitor, Juan Viaño, conduciu á universidade "a unha perda de relevancia tanto na súa proxección social como dentro do sistema universitario".

"CORRIXIR O RUMBO"
López subliñou que, neste contexto, resulta "imprescindible corrixir o rumbo".

"Non é un mero cambio de matiz; queremos unha universidade radicalmente diferente á que temos agora e que recupere o liderado que lle corresponde", resumiu.